Seshii forever


Direkt zum Seiteninhalt

Danke

Liäbi Fründe vom Seschi, mer danked eu nomal vo Herzä, dass ihr`s mit ermöglicht händ,
dass de Sascha nomal so en schöne Summer und Herbst hätt dörfe erläbe.
+++
Ihr händ eus zeigt, dass es im Läbe nöd zählt was me hät, wie vill me besitzt,
sondern das es de größt Riichtum isch, Fründe z` ha, wänn me sie brucht.
+++
Ihr sind es Vorbild für soo vill Erwachseni.Dänn anderne Menschä dur siini Persönlichkeit
und siis Handle e Orientierig z`geh isch nöd eifach, aber eifach nachahmenswert.
+++


Au jetzt, nach em Tod vom Seschi sind er da!

Ihr sind da, für de Paddy, gebed ihm en Halt, en Halt wo er jetzt dringend brucht, zum de grossi Verlust chönne z`überwinde, e Orientierig wo ihm niemert sust cha geh. Ihr händ ihn einfach i eui Fründschaft ufgnoh und ich ha gmerkt wie guet ihm das tuet.
Ihr sind da, für de Edi, ihr gebed ihm s`gfühl wie en Vater für eu chöne z`sii und fülled so di gross Leeri wo de Sascha hinterlah hätt. Au wänn de Sascha niemert cha ersetzte, isch es doch en grosse Trost für sie, und natürlich au für mich.
Und öppis chönd ihr mir glaube, de Edi wie auch ich, werded immer für Eu dasii, egal was es isch.
Ihr chönd wahrhaftig Stolz uf eu siii. Ich jedenfalls bin Stolz uf Eu.
Danke, dass ich eu ha dörfe kännelerne. Isa





Es großes Dankä a all diä wo em Sascha i dere schwere Zit bigstande sind und wo ihn i sim Läbe begleitet händ!!

Danke a alli wo de Paddy i dere Zit unterstützt händ, es isch vorallem für ihn e extremi belastig gsi, au darum will mir z`wenig Ziit gha händ für ihn und er uf villes hätt müesse verzichte. Er isch trotzallem immer i d`Schuel gange und das isch e super Leistig. Bi mega Stolz uf ihn..
Danke an Edi das er für de Seschi ein Tag zumene Monät gmacht hätt und alles unternoh hätt um siini Wünsch z`erfülle.

Danke a alli wo mich i dere Zit unterstützt händ, s`Rede über de bevorstehendi Tod und das wo nachher wird si hätt mir sehr vill Kraft und Muet geh zum wiiterkämpfe.

Es Danke a d Frau Kessler vo de "Stiftig Sternschnuppe" für ihre unermüedlichi Isatz zum am Sascha doch no en Wunsch chönne z`erfülle. Leider hätt de Sascha das Ferrariweekend in Marinello, mit Hotel und 2 Täg Ferrari fahre, wo am 17. Dezember planet gsi isch nüme dörfe erläbe.

Seshii forever | Gegenwart | Die Erde dreht sich einfach weiter | Wie alles begann | Leise kam das Leid | Die Krankheit | Kampf um`s Überleben 1 | Kampf um`s Überleben 2 | Ein nie zu Ende gehender Albtraum | Tag X | 5.Dez.2009 | Abschied 15.12.2009 | Abschied 20.12.2009 | Gedanken und Erinnerungen | Gefühle der Trauer | Danke | Gästebuch | Links | Sitemap

Counter/Zähler
Creative Commons License
This work is licensed under a Creative Commons Attribution 3.0 Unported License.

Zurück zum Seiteninhalt | Zurück zum Hauptmenü